Lebap welaýatynyň Seýitnazar Seýdi adyndaky döwlet sazly drama teatrynyň döredijilik topary meşhur gyrgyz ýazyjysy Çingiz Aýtmatowyň «Ak gämi» eseri esasynda täze spektakly sahnalaşdyrdy. Spektakl 11 görnüşden ybarat bolup, ony zehinli režissýor Perhat Hudaýberenow sahnalaşdyrdy.

Täze sahna eserinde türkmen we gyrgyz halklarynyň taryhy kökleriniň, edim-gylymlarynyň, däp-dessurlarynyň ýakynlygy tomaşaçynyň spektaklda beýan edilýän wakalaryň jümmüşine çuňňur aralaşmagyna ýardam edýär.

Teatryň döredijilik toparynyň sahnalaşdyran täze sahna oýnunda ata-enäniň, maşgalanyň nesil terbiýesindäki möhüm ornuny açyp görkezmek başardypdyr.