Buharest şäherinde Türkmenistanyň Hemişelik Bitaraplygynyň 30 ýyllygyna bagyşlanyp, Türkmenistanyň Rumynyýadaky​ Ilçihanasy tarapyndan türkmen talyplarynyň arasynda dostlukly kiçi futbol ýaryşy guraldy. Sport çäresi Parahatçylyk we Ynanyşmak ýyly bilen hem utgaşyp, oňa aýratyn ähmiýet berdi.

Bäsleşik Rumyniýanyň dürli ýokary okuw mekdeplerinden, ýagny Buharest, Ploiești​, Timișoara​, Cluj​ ýaly şäherlerden sekiz talyp topary ýygnady. Oýunlar hakyky bäsdeşlik, birek-birege hormat goýmak we dostlukly şertlerinde geçirildi. Bu çäre parahatçylygy, dostlugy we hyzmatdaşlygy ösdürmegiň, şeýle hem halkara hyzmatdaşlygynyň möhüm bölegi bolan sport diplomatiýasynyň ýörelgeleriniň üstünlikli durmuşa geçirilmeginiň aýdyň mysaly boldy.

Ýaryşyň ahyrynda üstünlikli çykyş eden toparlara medallar, kuboklar we hormat hatlary gowşuryldy. Şeýle-de iň gowy oýunçy, iň gowy derwezeçi we ilkinji üç orny eýelän toparlar aýratyn sylaglandy.

Bu sport çäre Türkmenistanyň halkara hyzmatdaşlygyny berkitmäge, ýaşlary birleşdirýän başlangyçlary goldamaga we Hemişelik Bitaraplyk ýyly mynasybetli parahatçylyk hem-de ynanyşmak gymmatlyklaryny wagyz etmäge bolan tagallasynyň aýdyň subutnamasy boldy.

Gunça SERDAROWA,

Türkmenistanyň Döwlet energetika
institutynyň mugallymy.