Berkarar döwletiň täze eýýamynyň Galkynyşy döwründe diýarymyzda durmuşa geçirilýän giň möçberli özgertmeleriň baş maksadynyň türkmen halkynyň abadançylygy, onuň bagtyýar durmuşy hakyndaky aladadan gelip çykýar.

Döwlet derejesinde geçirilýän bu möhüm we wajyp çärä goşant goşmak we ýardam bermek maksady bilen etrabymyzyň oba hojalyk işgärlerini höweslendirmek maksady bilen  Türkmenistanyň  Kärdeşler arkalaşyklarynyň Kaka etrap birleşmesi hem 2023-nji ýylda ýurdumyzda  ösdürilip ýetişdirilen bugdaý hasylyny  çalt we ýitgisiz ýygnap, zähmet çekýän edermen kärendeçileriň, mehanizatorlaryň hem-de kombaýnçylaryň arasynda üç sany on günlük bäsleşikleri yglan etdi.

Birinji on günlük bäsleşigiň jeminde  etrabymyzyň Kaka Tehniki hyzmat ediş kärhanasynyň kombaýynçylary Kerim Orazow we Begli Hangulyýew, Kaka awtoulaglar kärhanasynyň sürüjileri Mekan Orazdurdyýew we Muhammetguly Mergenow dagylar ýeňiji bolup Kärdeşler arkalaşyklarynyň Kaka etrap birleşmesiniň  sowgady  bilen sylaglandy.

Döwlet  Baştutanymyz  tarapyndan  Berkarar döwletiň täze eýýamynyň Galkynyşy döwründe joşgunly halal zähmetiňe goýulýan  sarpanyň uludygyna göz ýetirip,  bäsleşige gatnaşyjylar  hormatly Prezidentimiziň janynyň sag, başynyň aman, ömrüniň uzak bolmagyny diläp, Arkadagymyza özleriniň hoşallyklaryny beýan etdiler. 

Aýgül SARYHANOWA,

Türkmenistanyň Kärdeşler arkalaşyklarynyň 
Kaka etrap birleşmesiniň işgäri.