24-nji dekabrda, Ak bugdaý etrabynyň Gämi oba Medeniýet öýünde «Asylly ýörelgeler — dowamat-dowam» atly sergi gurnaldy. Bu çäräni, Türkmenistanyň Zenanlar birleşiginiň welaýat bölümi hem-de welaýatyň Medeniýet müdirligi bilelikde guradylar.

Sergide ene-mamalarmyzdan miras galan el işleri bolan türkmen keşdeçilik sungatynyň keşde çekmek, jähek çalmak, gaýma gaýamak ýaly el işleri we milli gymmatlyklarymyz öz beýanyny tapdy.

Şeýle sergileriň geçirilmegi arassa ahlakly, asylly, edep-ekramly, el işine ökde, zähmetsöýer, mähirli, açyk göwünli, ýüzleri nurana türkmen zenanlarynyň bardygyny dünýä äşgär edýär.