Änew şäherindäki Medeniýet öýüniň eýwanynda, welaýat kitaphanasynyň guramagynda «Garaşsyzlyk alyp galkynan Diýar Garaşsyzlyk toýun toýlaýar» ady bilen saz-söhbetli dabara geçirildi. Oňa welaýat häkimliginiň 6-njy başlangyç hünär okuw mekdebiniň talyplary, mekdep mugallymlary, kitaphana işgärleri hem-de ýaş okyjylar gatnaşdy.

Dabaranyň dowamynda bagşy-sazandalaryň ýerine ýetiren aýdymlary gatnaşyjylarda uly täsir galdyrdy. Dabara gatnaşyjylar milli ruha beslenen aýdym-sazlar astynda welaýat kitaphanasy tarapyndan guralan baýramçylyk kitap sergisi bilen tanyşdylar.