Ýakynda, Änew şäherindäki Medeniýet öýünde Medeniýet hepdeligine bagyşlanan aýdym-sazly dabara geçirildi. Dabarany welaýat Medeniýet müdirligi hem-de welaýat kitaphanasy bilelikde gurnady. Aýdym-sazly dabara medeniýet ulgamynyň işgärleri, kitaphana okyjylary gatnaşdy.

Dabarada ýurdumyzda ruhy baýlygymyz bolan milli medeniýetimizi ösdürmäge, baý mirasymyzy gorap saklamaga hem-de wagyz etmäge gönükdirilen giň gerimli işleriň rowaçlanylyşy dogrusynda birnäçe çykyşlar diňlenildi.

Ahal welaýat Medeniýet merkeziniň bagşy-sazandalarynyň ýerine ýetirmeginde ýaňlanan joşgunly aýdym-sazlar dabaranyň şowhunyny has-da artdyrdy.