Süňňi ýagşy niýetlerden, paýhas-pentlere gaplanan parasatly jümlelerden düzülen Arkadagly Gahryman Serdarymyzyň “Ýaşlar – Watanyň daýanjy” atly ilkinji kitaby “Pähim-paýhas ummany Magtymguly Pyragy” ýylymyzy turuwbaşdan ýagty öwüşgünlere besledi. Bu ajaýyp kitapda ynsanyň ylym-bilim almaklygy, hünär öwrenmekligi, kär edinmekligi ömrüň bahar paslyna deňelýän ýaşlyk ýyllaryna gabat geýändigini aýratyn belläp geçýär.  

Berkarar döwletiň täze eýýamynyň Galkynyşy döwründe türkmen ýaşlaryna durmuşyň ähli ugurlarynda okamaga, öwrenmäge, zähmet çekmäge giň mümkinçilikler döredilip berilýär. Ýaşlar özleri baradaky edilýän aladalary her ädimde duýup ýaşaýarlar. Arkadagly Gahryman Serdarymyzyň: “Ýaşlar bilen geljegimizi gurýarys” diýen ganatly jümleleri bolsa biz ýaşlary ýagşy işlere, möhüm başlangyçlara has-da hyjuwlandyrýar.

Garaşsyz, hemişelik Bitarap Watanymyzyň şöhratly ýyl ýazgylarynda müdimilik ornaşan taryhy seneler bilen baglanyşykly hormatly Prezidentimiziň çuňňur manyly çykyşlarynyň, Gutlaglarynyň, bagtyýar ýaşlarymyzyň durmuşynda oňyn özgerişlikler emele getiren Resminamalaryň şeýle-de ýurdumyzyň dürli ulgamlarda gazanan ýeňişleriniň kitapda ýerleşdirilmegi her bir ýaş ynsanyň ýüregini buýsanja gaplady.

Watanymyzy beýik ösüşlere sary alyp barýan, ýaşlaryk hak howandary Gahryman Arkadagymyzyň, hormatly Prezidentimiziň janlary sag, ömürleri uzak bolsun!   

Yhlas ALLAMYRADOW,
Türkmenistanyň Döwlet energetika
institutynyň talyby.