Sokrat (b.e öňki 469-399) aralygynda ýaşap geçýär. Ol özüniň “Ahlak gymmatlygyň beýany” atly eserinde esasy söhbetdeşligi-durmuşda nähili ahlak gatnaşykda bolmaldygy barada beýan edýär.

Sokrat üçin şeýle gymmatlyklar bolup ak göwünlilik, öz borjuňa eýermeklik, ýagşylyga gulluk etmek çykyş edipdir. Ol öz ahlak garaýyşlary ölümiň öňünde hem üýtgetmän saklapdyr. Ol öz ölüminiň öňünde hem hiç zada bagly däl (absolýut) ahlak gymmatlyklary gorapdyr. Sokrat sofistlerden tapawutlylykda ýagşy bilen ýamanyň arasyndaky tapawudyň otnositel däl-de absaolýut häsiýete eýe bolýanlygyna ynanypdyr. Ýagşynyň nämedigini, ýamanyň nämedigini bilmeklik adama ahlaklylyk berýär.

Şonuň üçin Sokrat ahlaklylyk bilen baglanyşykly düşünjeleri takyk kesgitlemeklige we olaryň manysyny açmaklyga uly üns beripdir. Onuň üçin garalýan zada dogry kesgitleme bermeklik, ol zadyň manysyny açmaklyk bolýar. Eger takyk kesgitlenen zat bolmasa, ol barada maglumat hem bolmaýar.

Hudaýberdi Ezizmuhammedow
Türkmen oba hojalyk instituty
Oba hojalygyny mehanizimleşdirmek
hünäriniň 1-nji ýyl talyby,