28-30-njy noýabrda Aşgabatda «Agro Pak Türkmenistan – 2023» ady bilen azyk  gaplama we oba hojalyk önümleriniň halkara sergisi öz işine başlady. 

Sergini Türkmenistanyň Söwda-senagat edarasy bilen «Sofuar» kompaniýasy bilelikde guraýar.Sergä döwlet eksponentlerinden başga-da, Azerbaýjandan, Germaniýadan, Hytaýdan, Moldowadan, Özbegistandan, Türkiýeden we beýleki ýurtlardan degişli kompaniýalar we kärhanalar gatnaşar. Şeýle-de Niderlandlaryň, Russiýanyň we Eýranyň ýörite pawilýonlary gurnalar.

Sergide azyk önümleriniň, gaplama önümleriniň önümçiligi üçin enjamlar, azyk senagat tehnologiýalary, däne saklaýyş we üweýiş ulgamlary, bagbançylyk we tokaý ösdüriş, guşçulyk we maldarçylyk, suwaryş pudagynda öňdebaryjy çözgütler, şeýle-de oba hojalyk önümleri, tohumlar, dökünler we ş.m. görkeziler.

«Halkara sergisine daşary ýurtly kompaniýalar bilen bir hatarda Türkmenistandan hem bu ugurlarda iş alyp barýan köpsanly telekeçileriň we kompaniýalaryň gatnaşmaga gyzyklanma bildirmegi eýýämden çäräniň netijeli boljakdygyny görkezýär» diýip, «Sofuar» kompaniýasynyň wekili Ismail Enwerogly belleýär. Bu görnüşdäki sergiler ozal Özbegistanda we Yrakda geçirildi. Şeýlelik-de  Türkmenistan watanymyzda ilkinji gezek geçirilýär.

Selbi GURBANOWA,
Türkmen oba hojalyk institutynyň
1-nji ýyl talyby.