Amerikanyň Milli awiasiýa we kosmos dolandyryş guramasy "NASA"-nyň “Juno” gözleg hemrasynyň maglumatlaryny gözden geçiren alymlar, Ýupiteriň hemralaryndan biri bolan "Europa"-da günde 1000 tonna kislorodyň peýda bolandygyny kesgitlediler, bu bolsa gündelik 1 million adam sarp etmek üçin ýeterlikdir.

Maglumatlar, "Juno"-nyň “Jupiter Auroral Distribution Experiment” (Jade) ulagy arkaly alyndy. "Juno" - diametri 3,100 kilometre barabar buz bilen örtülen "Europa"-nyň üstündäki wodorod çykarylyşyny ölçedi. Soňra bolsa emeli hemranyň üstünde emele gelen wodorodyň we kislorodyň mukdaryny ölçedi. 

Gözlegde, Ýewropanyň orbitasynyň Ýupiteriň radiasiýa guşaklarynyň ortasynda ýerleşýändigi sebäpli Ýupiteriň zarýadly bölejikleriniň hemranyň üstündäki suw molekulalaryny döwüp, wodorod we kisloroda öwürýändigi mälim edildi.

NASA-nyň “Voyager 2” kosmiki gämisi 1979-njy ýylda "Europa" has golaý barmak bilen emeli hemranyň ilkinji suratlaryny aldy. "NASA"-nyň 2024-nji ýylyň oktýabr aýynda uçurjak “Europa Clipper” kosmiki gämisi 2030-njy ýylda Ýupiter ulgamyna baryp, Ýupiteriň orbitasynda 4 ýyl hereket eder.

Serwinäz DURDYBAÝEWA,

Döwletmämmet Azady adyndaky
Türkmen milli dünýä dilleri
institutynyň talyby.