Beýnimizde reňkleriň döredýän signallary bize haýsydyr bir tekst ýa-da söz zerurlygy bolmazdan bir zady düşündirip bilýär. Gyzyl reňkiň gyjyndyryjy we oýaryjy täsiriniň bardygy mälim bolsa-da, alymlar geçiren gözlegleriniň netijesinde «Gyzyl reňk beýnimizde nämä sebäp bolýar?» - diýen meselä geň galdyryjy jogap tapdylar.

«Elife» žurnalynda çap edilen gözlegde alymlar gyzyl reňkiň beýnidäki tolkunlary güýçlendirýändigini ýa-da güýçlendirmeýändigini barladylar. Gözleg, «V1» diýlip atlandyryldy. Alymlar beýniniň magnit işjeňligini ölçemek üçin magnetoensefalografiýa usulyndan peýdalandylar.

Geçirilen täze gözleg, gyzyl we ýaşyl reňkleriň beýnimizde gamma tolkunlaryny döredýändigini ýüze çykardy. Gözlege 30 sany meýletinçi gatnaşdy.

Alymlar gözlegiň netijesinde magnetoensefalografiýa usulyndan peýdalanyp gyzyl we ýaşyl reňkleriň beýnimizde gamma tolkunlaryny döredýändigini, gök reňkiň bolsa iň az nerw täsirini döredýändigini öwrendiler.

Käbegül AÝJANOWA,

Ýagşygeldi Kakaýew adyndaky
Halkara nebit we gaz uniwersitetiniň
Himiýa tehnologiýasy we ekologiýa fakultetiniň 
Nebiti we gazy gaýtadan işlemegiň himiki tehnologiýasy 
hünäriniň bakalawr taýýarlygynyň 4-nji ýyllyk talyby.