2026-njy ýylyň 31-nji ýanwaryndan 2-nji fewraly aralygynda Türkmenistanyň wekiliýeti Yslam Hyzmatdaşlyk Guramasynyň Ýokary derejeli wekilleriniň 52-nji mejlisine gatnaşdy. Bu maslahat 2026-njy ýylyň 11–12-nji aprelinde Bagdat şäherinde geçiriljek YHG-niň Daşary işler ministrleriniň geňeşiniň öňüsyrasyndaky möhüm taýýarlyk tapgyry hökmünde çykyş etdi. Bu barada Türkmenistanyň resmi metbugaty habar berdi.

Mejlisde türkmen tarapy bitaraplyk syýasatynyň halkara parahatçylygy, howpsuzlygy we durnukly ösüşi üpjün etmekdäki ähmiýetine bagyşlanan kararnamanyň taslamasyny hödürläp, onuň YHG-niň Daşary işler ministrleriniň 52-nji mejlisinde kabul edilmegini teklip etdi.

Şeýle hem duşuşygyň dowamynda syýasy, hukuk, maglumat we ynsanperwer ugurlarda strategik çözgütler taýýarlanyldy. Olaryň esasynda daşary işler ministrleri üçin iş maksatnamasy düzüldi we degişli kararlaryň kabul edilmegine taýýarlyk işleri alnyp baryldy.

Nurgözel ÝAZYÝEWA,

S.A.Nyýazow adyndaky Türkmen oba hojalyk
uniwersitetiniň uly mugallymy.