TSTP-niň “Ýaş telekeçiler” merkeziniň utgaşdyryjysy we TMÝG-niň Meýletinçiler merkeziniň geňeşçisi Merdan Ataýew S.A.Nyýazow adyndaky Türkmen oba hojalyk uniwersitetinde talyp ýaşlar bilen duşuşyk geçirip, “Ýaş hünärmenleriň zähmet bazaryna üstünlikli uýgunlaşmagy” mowzugynda çykyş etdi. Ol ýaşlaryň bilimini hünär taýdan ösdürmegiň we bilim bilen önümçiligiň arasyndaky baglanyşygy berkitmegiň möhümdigini nygtady.

Duşuşyga Türkmenistanyň Bilim ministrligi, uniwersitet, TMÝG-niň Meýletinçiler merkezi we TSTP-niň Aşgabat şäher komitetiniň ýanyndaky “Ýaş telekeçiler” merkezi bilelikde gurady. Gatnaşyjylar tejribe alyşma arkaly zähmet bazarynda üstünlik gazanmak üçin zerur başarnyklary öwrenmek mümkinçiligine eýe boldular.

Merdan Ataýew çykyşynda geljekki hünär meýilnamasyny düzmegiň, sanly başarnyklary ösdürmegiň we iş orunlaryny saýlamagyň möhüm bolup durýandygyny belledi. Şeýle-de ol bilim bilen önümçiligi sazlaşykly ösdürmegiň ýaş hünärmenleriň bäsdeşlige ukyplylygyny artdyrýandygyny aýtdy.

Duşuşyk ýaşlaryň geljekki hünär ýoluna taýýarlygyny güýçlendirmek we zähmet bazarynda netijeli çykyş etmek üçin ähmiýetli boldy.