Asyrlar aşsada manysyn saklap,

Her bir sözi müňläp manyny toplap,

Kalplara nur, köňle päkligin oklap,

Ýaşa ýüreklerde baky Pyragy.

Şygyrlaryň solmaz daragt mysaly,

Bir supra jem bolmak arzuw wysaly.

Bu gün ýetdik hol arzuwlaň mekany,

Ýürekde öçmejek çog sen Pyragy.

Her şahaň tükenmez giden bir umman,

Siz dek taryp etjek ýokdyr biguman.

Ýene näçe ýazsam tarypyňda kän,

Köňül içre bagtym sensiň Pyragy.

Arkadag şygrynda seslendi iliň,

Talyp ýüregimi joşdurdy şygryň.

Bu gün ýylymyza dakyldy adyň,

Üç ýüz ýaşyň gutly bolsun Pyragy!.

Nowça GELDIMIRADOWA,
Beki Seýtäkow adyndaky 
mugallymçylyk mekdebiniň talyby.