Täze ýyl baýramçylygynyň öňsyrasynda Ahal welaýatynyň Tejen şäheriniň ýaşaýjysy Şatlyk Durdygulyýew tolgundyryjy pursatlary başdan geçirdi. Ol türkmen milli göreşi boýunça 2002-2003-nji ýyllarda doglan ýetginjekleriň arasynda Ahal welaýatynyň birinjiligini almak ugrundaky 42 kg. agramda çykyş edip baýrakly birinji orna mynasyp boldy. Türkmen milli göreşi boýunça geçirilýän ýaryşyň döwlet tapgyryna gatnaşmaga hukuk gazanan Şatlygy, onuň deň duşlary uly ruhybelentlik bilen garşyladylar we gutladylar. Gahryman Arkadagymyzyň sportyň milli görnüşlerini ösdürmäge berýän ägirt uly goldawlary, döredýän mümkinçilikleri üçin tüýs ýürekden alkyşly sözleri aýtdylar.