logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Jemgyýet /Wagyz-nesihat topary ilatyň arasynda
  11.03.2020
920
Wagyz-nesihat topary ilatyň arasynda

       Sagdyn durmuş ýörelgelerini we milli däp-dessurlary wagyz-nesihat etmek maksady bilen welaýat häkimligi tarapyndan döredilen topar şu günler guramalarda, edara-kärhanalarda, şol sanda  bilim ojaklarynda wagyz-nesihat maslahatlaryny geçirýärler.  Şeýle maslahatlaryň biri-de welaýat häkimliginiň 5-nji başlangyç hünär okuw mekdebinde boldy. Oňa talyp ýaşlardyr mugallymlar gatnaşdy.

       Welaýatyň jemgyýetçilik guramalarynyň wekillerinden hem-de beýleki degişli hünärmenlerden düzülen wagyz-nesihat  toparynyň agzalary maslahatyň barşynda Arkadagly döwrümizde ýurdumyzyň gurşap alan taryhy ähmiýetli ösüşler barada täsirli gürrüň berdiler. Olar döwrebap derejede bilim almaga, hünär öwrenmäge, döredijilikli we netijeli zähmet çekmäge döredilen giň amatlyklar dogrusynda aýratyn durup geçdiler.

        Maslahatda çykyş edenleriň belleýşi ýaly, häzirki taryhy döwürde milli däp-dessurlarymyz durmuşa giňden ornaşdyrmakda, ruhy-medeni gymmatlyklarymyzy, gadymy mirasymyzy içgin öwrenmekde we dünýä çykarmakda guwandyryjy işler durmuşa geçirilýär. Şoňa görä-de, milli gymmatlyklarymyza eýerip, olaryň kämilleşmegine we geljekki nesillere ýetirilmegine her bir adam mynasyp goşant goşmalydyr.

        Maslahatda gadymdan gelýän ajaýyp däp-dessurlaryň ähmiýeti we sagdyn durmuş ýörelgelerine eýermegiň peýdasy ündeldi, şonuň bilen baglanyşykly oňa gatnaşyjylar bilen özara sowal-jogap alşyldy.