Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow bilen Russiýa Federasiýasynyň Daşary işler ministri S.Lawrow telefon söhbetdeşlik geçirdi.

Taraplar söhbetdeşligiň başynda ikitaraplaýyn gatnaşyklaryň birnäçe ugurlary hususan-da, ýokary derejedäki ikitaraplaýyn duşuşyklara görülýän taýýarlygyň gidişi, şu ýyl Türkmenistanda geçiriljek Altynjy Hazar sammitine taýýarlyk görmek bilen bagly meseleleri ara alnyp maslahatlaşyldy.

Iki ýurduň Daşary işler ministrleri söhbetdeşligiň dowamynda Türkmenistanyň Prezidenti S.Berdimuhamedowyň Russiýa Federasiýasyna amala aşyrjak resmi sapary bilen bagly meselelere hem seretdiler.