BMG-niň Türkmenistandaky Çagalar gaznasynyň wekilhanasy, 2026-2030-njy ýyllar üçin täze ýurt boýunça bilelikdäki maksatnamanyň taslamasyny ara alyp maslahatlaşmak maksady bilen, milli hyzmatdaşlar bilen iş maslahatyny geçirdi. Bu barada Türkmenistanyň resmi metbugaty habar berýär.

Bu maksatnama çagalaryň hal-ýagdaýyny ýokarlandyrmaga, şol sanda saglyk, iýmitlenme, çaganyň irki ösüşi, bilim, sosial gorag we maýyp çagalaryň jemgyýete goşulmagy ýaly ugurlarda giňişleýin çäreleri öz içine alar. ÝUNISEF-iň maksatnamasy, Birleşen Milletler Guramasynyň Durnukly ösüş maksatlaryna laýyklykda, ulgamlaryň strategik ugurlaryna ýardam eder.

ÝUNISEF-iň bu işi, öňki maksatnamalaryň netijelerine esaslanyp, Türkmenistan hökümeti bilen hyzmatdaşlygyň giňeldilen gerimini görkezýär.

Humaý ATAGARAÝEWA,
Berdimuhamet Annaýew adyndaky Arkadag
şäher mugallymçylyk orta hünär okuw mekdebiniň
talyby.