2025-nji ýylyň 3–5-nji sentýabry aralygynda Gyrgyzystanyň Bişkek şäherinde Merkezi Aziýada Serhetleri Dolandyrmak Maksatnamasynyň (BOMCA-10) jemleýji çäreleri geçirildi. Oňa ýurdumyzyň degişli döwlet edaralarynyň wekilleri bilen bir hatarda, Türkmenistanyň Döwlet gümrük gullugynyň Okuw merkeziniň müdiriniň ýolbaşçylygyndaky wekiliýet hem gatnaşdy.

2021-nji ýylyň aprelinden 2025-nji ýylyň sentýabryna çenli durmuşa geçirilen BOMCA-10 maksatnamasynyň esasy ugurlary serhet dolandyryşyny kämilleşdirmek, kanuny söwdany ýeňilleşdirmek, serhetüsti hyzmatdaşlygy ösdürmek we serhetýaka sebitleriň ilatynyň durmuş şertlerini gowulandyrmak bilen baglanyşykly boldy.

4-nji sentýabrda maksatnamanyň goldawy bilen döredilen Gyrgyzystanyň Serhet gullugynyň Seljeriş merkeziniň açylyş dabarasy geçirildi.

5-nji sentýabrda bolsa Bişkekde «Şeraton» myhmanhanasynda maksatnamanyň jemleýji maslahaty bolup, onuň netijeleri seljerildi we indiki — 11-nji tapgyrynyň ileri tutuljak ugurlary kesgitlenildi. Türkmenistanyň wekiliýeti serhetleri dolandyrmak, hünär taýýarlygyny ýokarlandyrmak hem-de beýleki degişli ugurlar boýunça toplanan tejribesini paýlaşdy.

Seýran Begaliýew,

Türkmenistanyň Daşary işler ministrliginiň
Halkara gatnaşyklary institutynyň talyby.