Türkmenistanyň ýokary okuw mekdepleriniň dört talyby “ABŞ-nyň institutlaryny öwrenmek” (SUSI) atly akademiki maksatnama gatnaşmaga hukuk gazandy. Maksatnama gatnaşyjylar dalaşgärleriň saýlama tapgyrynyň netijeleri boýunça kesgitlenildi.

 Türkmenistanyň Oguz han adyndaky Inžener-tehnologiýalar uniwersitetinden:

• Gurbangül Sapargeldiýewa (biotehnologiýa we ekologiýa fakulteti)
• Çynar Garlyýewa (kiberfizika ulgamlary fakulteti)

 Türkmenistanyň DIM-niň Halkara gatnaşyklary institutyndan:

• Ýupar Egirjäýewa (halkara ykdysady gatnaşyklar fakulteti)
• Akgözel Rasulowa (halkara gatnaşyklary fakulteti)

Bu talyplar üçin bäş hepdelik intensiw akademiki maksatnama 21-nji iýun — 26-njy iýul aralygynda ABŞ-nyň ýokary okuw mekdepleriniň binýadynda geçirildi. Maksatnamanyň esasy maksady Amerikanyň medeniýetine, taryhyna we jemgyýetine düşünmegi gowulandyrmak hem-de ýaşlary öňdebaryjylyk, diplomatiýa we medeni köpdürlülige hormat goýmak ruhunda ösdürmekden ybaratdyr.

 Maksatnamanyň Ugurlary:

 1. Zähmetiň taryhy we geljegi:

• ABŞ-da işçiler hereketiniň taryhy
• Tehnologiýanyň zähmet bazaryna täsiri
• Ählumumylaşmagyň ykdysady täsirleri
• ABŞ-da okuw sapaklaryna we telekeçiler bilen duşuşyklara gatnaşmak

 2. Okuw maksatnamalaryny ösdürmek:

• Dünýäniň uniwersitetlerinde üýtgäp duran bilim maksatnamalary bilen tanyşmak
• Täze okuw sapaklaryny işläp düzmek başarnyklaryny ösdürmek
• FIUT (Talyplaryň üsti bilen halkara özara düşünişmek gaznasy) bilermenleriniň tejribelerinden peýdalanmak

 3. Öňdebaryjylyk we ösüş:

• Liderlik häsiýetlerini ösdürmek
• Medeni köpdürlilige hormaty güýçlendirmek
• Halkara talyplar bilen tejribe alyşmak

Maksatnamanyň dowamynda türkmen talyplary bilimlerini baýlaşdyrmak bilen birlikde, amerikaly deň-duşlary we dürli ýurtlardan gelen ýaşlar bilen dostlukly gatnaşyklary hem ösdürdiler. Bu tejribe olaryň geljekde bilim we diplomatiýa ugurlarynda täze mümkinçilikleri açmagyna ýardam eder.

Türkmen talyplarynyň SUSI maksatnamasyna gatnaşmagy ýurduň ýokary okuw mekdepleriniň halkara derejede bilim hyzmatdaşlygyny ösdürmek hem-de ýaşlary öňdebaryjy bilim tejribelerine çekmek baradaky tagallalarynyň nobatdaky subutnamasy boldy.