Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Dünýäde /Türkmen talyby «Türki halklaryň iň gowy talyby» diýen ada mynasyp boldy
  26.11.2024
348
Türkmen talyby «Türki halklaryň iň gowy talyby» diýen ada mynasyp boldy

S.A. Nyýazow adyndaky Türkmen oba hojalyk uniwersitetiniň talyby Dawut Döwletow Gazagystanda geçirilen abraýly bäsleşikde «Türki halklaryň iň gowy talyby» diýen ada mynasyp boldy. Bu bäsleşik Gazagystanyň «Bilim-orkenieti» atly milli innowasion ylmy-barlag merkezi tarapyndan guralyp, türki halklaryň ýurtlaryndan gelen zehinli ýaşlary özünde jemledi.


Türkmenistanyň Bilim ministrliginiň resmi maglumatlaryna görä, Dawut Döwletow bäsleşige ýokary derejede taýýarlykly gatnaşdy. Onuň hödürlän materiallary sport, döredijilik we ylym ugurlarynda gazanan üstünliklerini öz içine aldy. Eminler topary Dawudyň dzýudo we jiu-jitsu boýunça sport ýaryşlarynda gazanan diplomlaryna, poeziýa eserlerine, şeýle hem döwlet we halkara derejesindäki bäsleşiklerde eýelän medallaryna ýokary baha berdiler.


Ýeňşinden soň, Dawut Döwletow duýgularyny şeýle beýan etdi:
«Meniň üçin Türkmenistanyň adyndan çykyş etmek uly hormat. Bu ýeňiş meniň çeken zähmetimiň miwesi, maşgalamyň, mugallymlarym we dostlarymyň goldawynyň netijesidir» diýip, ol belleýär.


Türkmen talyplarynyň halkara derejede üstünlik gazanmagy ýurdumyzyň bilim ulgamynyň ýokary derejesiniň we ýaşlaryň zehininiň aýdyň subutnamasydyr.