Türkmenistanyň Daşary işler ministri Raşid Meredow Aşgabatda Amerikanyň Birleşen Ştatlarynyň Günorta we Merkezi Aziýa boýunça Ýörite wekili Serjio Gor bilen duşuşyk geçirdi. Duşuşykda iki ýurduň arasynda özara gyzyklanma bildirilýän ugurlar boýunça ykdysady hyzmatdaşlygyň ösüş mümkinçilikleri ara alnyp maslahatlaşyldy.

Taraplar sebit durnuklylygy bilen bagly meselelere hem degip geçip, bu ugurda pikir alyşdylar. Bu barada ABŞ-nyň Türkmenistandaky Ilçihanasy habar berdi.

Şol gün Aşgabatda Serjio Goryň, şeýle-de amerikan we türkmen işewür toparlarynyň wekilleriniň gatnaşmagynda ABŞ-nyň Türkmenistandaky Ilçihanasy tarapyndan resmi kabul edişlik geçirildi.

Amerikan tarapy Türkmenistan bilen ABŞ-nyň arasynda bar bolan diplomatik gatnaşyklara ýokary baha berýändigini beýan etdi.

Rejepnur NUROW,

S.A.Nyýazow adyndaky Türkmen oba hojalyk
uniwersitetiniň talyby.