logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ykdysadyýet /Toýlary toýlara ulaşýan Watan
  14.12.2019
1119
Toýlary toýlara ulaşýan Watan

     Asly nurdan dörän türkmen halkynyň her bir dogýan güni özüniň täsirliligi bilen tapawutlanýar. Günlerimiz toýlara, şanly senelere beslenip gelýär. Bitaraplyk baýramynyň bellenilýän günleriniň öňisyrasynda Ak bugdaý etrabynyň Änew şäheriniň Mekan köçesiniň ugrunda 1 sany 4 gatly 40 öýli ähli amatlyklary bolan döwrebap ýaşaýyş jaýynyň açylyş dabarasy boldy. “Türkmenistan-rowaçlygyň Watany” ýylynda bagtyýar raýatlarymyzyň ýaşaýyş, durmuş şertlerini has-da gowulandyrmak maksady bilen gurlup ulanylmaga berlen bu döwrebap ýaşaýyş jaýy kalby buýsançdan doly halkymyza baýramçylyk sowgady boldy. Bu günki geçirilen açylyş dabarasyna bagtyýar raýatlarymyz, il sylagly ýaşulylar, mährem eneler, bilim işgärleri gatnaşdylar. Elleri duz-çörekli, öz ýurdymyzda öndürilýän nazy-nygmatlar bilen doldurylan  podnosly milli eşikli gyzlar dabara gatnaşýan myhmanlara hödür-kerem etdiler. Sahnanyň döwrebap nusgada bezelmegi dabara özboluşly bir aýratynlyk berdi. Medeniýet we sungat işgärleriniň gatnaşmaklarynda geçirilen bu açylyş dabarasy aýratyn bir many-mazmuna eýe boldy. Dabaranyň geçirilýän ýeriniň daş-töwereginde arassaçylyk we abadanlaşdyryş işleri birkemsiz ýerine ýetirildi. Gurluşygy alyp baran “Gerçek ýaşlar” hojalyk jemgyýetiniň tapawutlanyp işlän ussat gurluşykçylaryna gymmat bahaly sowgatlar we ter gül çemenleri dabaraly ýagdaýda gowşuryldy. Binanyň gurluşygyny alyp baran kärhana 2000 sany dürli reňkli şarlaryň uçurylmagyny gazandylar. Dabara gatnaşan il sylagly ýaşulylaryň, mährem eneleriň, bilim işgärleriniň eden çykyşlary halk köpçüliginde aýratyn täsir galdyrdy. Ähli amatly şertleri bolan döwrebap ýaşaýyş jaýlaryny alan maşgalalardan 6 sanysyna dabaraly ýagdaýda ýaşaýyş jaýlarynyň açarlary gowşuryldy. Täze jaý alan maşgalalara Hormatly Prezidentimiziň adyndan ýadygärlik sowgatlary gowşuryldy. Lukmançylyk hyzmatlary  we jemgyýetçilik tertip-düzgüni berk ýola goýuldy.

    Umuman aýdylanda bu günki geçirilen açylyş dabarasy uly üstinliklere beslenip geçdi.