Ýakynda Tejen etrabynyň Ýöriteleşdirilen dikeldiş merkezinde Türkmenistanyň Kärdeşler arkalaşyklarynyň Tejen etrap birleşmesi, Türkmenistanyň Magtymguly adyndaky ýaşlar guramasynyň etrap Geňeşi, Türkmenistanyň Demokratik partiýasynyň Tejen etrap komitetiniň bilelikde gurnamagynda tegelek stoluň başyndaky söhbetdeşlik gurnaldy.

“Halkara parahatçylyk we ynanyşmak” ýylynda Milli bahar baýramy mynasybetli geçirilen söhbetdeşlikde baharyň gelmegi bilen tebigata jan girip, älem-jahanyň gülzarlyga beslenýändigi, ýazyň ýakymy bilen zerewşan eýlenen zemin goýnundaky ynsanlaryň hem göwünlerini gözel niýetler bilen bezeýändigi, Nowruz täze günüň, aýyň, ýylyň, döwrüň, ömrüň beýanydygy​, oňa taryhy maglumatlardan, edebiýatçy alymlaryň ylmy işlerinden, ýazyjy-şahyrlarymyzyň döreden eserlerinden hem aýdyň göz ýetirip bolýandygy, Nowruz baýramçylygyny dünýä döwletleriniň ençemesi ýokary derejede belläp geçýändigi, şol esasda Nowruz baýramçylygy 2009-njy ýylda ÝUNESKO-nyň Adamzadyň maddy däl medeni mirasynyň sanawyna goşulandygy barada aýratyn nygtap geçdiler.

2025-nji ýylymyz bolan “Halkara parahatçylyk we ynanyşmak” ýylynda Milli bahar baýramy mynasybetli aýdym-sazly baýramçylyk dabaralarynyň, maslahatlaryň, wagyz-nesihat çäreleriniň, dürli bäsleşikleriň yzygiderli ýagdaýda geçirilýändigi hem-de birnäçe çäreleriň geçirilmegi meýilleşdirilýändigi bellenildi hem-de Türkmenistan ýurdumyzy jenneti mekana öwren Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik, alyp barýan tutumly işleriniň elmydama rowaç bolmagy arzuw edildi!

Maral AKYÝEWA,

Türkmenistanyň Kärdeşler arkalaşyklarynyň
Ahal welaýatynyň Tejen etrap
birleşmesiniň esasy hünärmeni,
Zenanlar guramasynyň işjeň agzasy.