Ýakynda Ahal welaýatynyň Ak bugdaý etrabynyň çäginde täze tehnologiýaly oba hojalyk tehnikalarynyň  nobatdaky tapgyrynyň garşylanyş dabarasy geçirildi. Ýurdumyzyň hemişelik Bitaraplygynyň 25 ýyllyk şanly toýunyň uludan toýlanjak ýylynda sanly telematik ulgam ornaşdyrylan «John Deere»  kysymly takyk gowaça ekiji tehnikalaryň,  «СLAAS» kysymly däne orujy kombaýnlaryň we «СLAAS» kysymly köpugurly traktorlaryň gelip gowuşmagy oba zähmetkeşleriniň durmuşynda ajaýyp waka öwrüldi.

     Dabarada çykyş edenler  täze taryhy döwürde ýurdumyzyň agrosenagat toplumyny ösdürmek, oba hojalyk pudagynyň maddy-enjamlaýyn binýadyny pugtalandyrmak babatynda örän köp işleriň amala aşyrylýandygy, dünýäde uly meşhurlyga eýe bolan ýokary öndürijilikli kuwwatly oba hojalyk tehnikalarynyň yzygiderli satyn alnyp, daýhanlaryň ygtyýaryna berilmegi bu ugurda möhüm ähmiýete eýedigi barada buýsanç bilen bellediler hem-de munuň üçin döwlet Baştutanymyzyň adyna ýürekden çykýan alkyşlaryny beýan etdiler.

     Dabara gatnaşyjylary täze oba hojalyk tehnikalaryň aýratynlyklary bilen tanyşdyrdylar.