Gadymýetden bäri bagşy ozanly,

Namaly, nagmaly sungatly watan.

Kalby dessanlydyr göwni gazally,

Dutarly, gyjakly sungatly watan.

Halypalar görelde her bir ädimde,

Ýörelgämiz ajap sazda aýdymda,

Adyň şat şowhunly ýürek öýünde,

Säher deý gaýmakly sungatly watan.

Bu gün türkmen sungatyna hormat bar,

Her bir gadamda muny görmek bar,

Ösüşden joş alyp göwni görmek bar,

Ylhamdan söýgetli, sungatly watan.

Wysal bu gün Pyragynyň arzuwy,

Ata mekan ýyllar içre arzyly,

Ak bagytdan beslenen, bagtyýar ýoly,

Kuwwatly gudratly, sungatly watan.