Il ogluny il bagtyna getiren,

Sen türkmen enesi, türkmen käbäsi.

Watanyň gerçegin golda göteren

Sen türkmen enesi, türkmen käbäsi.

Belentde parlaýar türkmen tugrasy,

Bäş welaýat jemdir dogan barysy,

Halkyna il ogluny beren, halkyň seresi,

Sen türkmen enesi, türkmen käbäsi.

Türkmeniň bagtyna gelendir gerçek,

Bagtyýardyr şu gün, nurlydyr geljek,

Enelik söýgüni äleme berjek,

Sen türkmen enesi, türkmen käbäsi.

Edebiň naýbaşyn paýhasyň çuňun,

Perzendine geren päk mähir çogyň,

Diýaryma beren gül bagtyň çagyn,

Sen türkmen enesi, türkmen käbäsi.