logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Şygryýet /«Seň baryňda ejemjan!»
  13.04.2023
1343
«Seň baryňda ejemjan!»

Ene diýmek bir dünýä, ady dillerde dessan,
Jennetiň özi göýä, ýat eder gaýgy-gussaň,
Gözleriň ýola dikip, mydam bizi yzladyň,
Seň baryňda ejemjan bu dünýäm gül-gülüstan.

Ýörjen-ýörjen bolamda söýgi bilen ýöretdiň,
«Eje» sözün diýemde päk duýgyňy bagş etdiň,
Arzuwlaryňa ataryp kalbymyzda ýer etdiň,
Seň baryňda ejemjan bu dünýäm bagy-bossan.

Eje bolup düşündim seň gaýgyňa-gussaňa,
Senden hiç zat islemen ak arzuwlaň bes maňa,
«Balam» diýen sözlerňi gaýta-gaýta aýtsana!
Seň baryňda ejemjan bu dünýäm gül-gülüstan.

Gözlermizde ýaş görseň balalarňa dözmediň,
Umytly sözleň bilen ündäp dilden goýmadyň,
Arş pelegiň sowgady Allam senden goýmasyn,
Seň baryňda ejemjan bu dünýäm bagy-bossan.

Näçe ýazsam az saňa barysy bärden gaýdýar,
Seni göresim gelse, ýatlamalam şat edýär,
Durmuş çarkandak ýolun, seň ündewleň ýat edýär,
Seň baryňda ejemjan bu dünýäm gül-gülüstan.

Ýyllar gidip geçsede biz öňküje çagajyk,
Siz bolsa hemişeki şol mährem hem mähriban,
Käbäm saňa döneýin, siz biz üçin gahryman,
Seň baryňda ejemjan bu dünýäm bagy-bossan.

Mydam seniň aňyňda mährem gyzyň bolaýyn,
Eýjejik serçe – ýaly körpeligme galaýyn,
Näçe ýaşasaň ýaşa saçlaň darap öreýin,
Seň baryňda ejemjan bu dünýäm bagy-bossan!
Mähriban gyzyň size düzüpdir şygyr-dessan.

 

Mähri ALIÝEWA,

Ylym we bilim işgärleriniň Kärdeşler 
arkalaşygynyň Kaka etrap 
Geňeşiniň işgäri.