logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Sport /Sagdynlygyň we ruhybelentligiň sazlaşygy
  05.05.2020
1227
Sagdynlygyň we ruhybelentligiň sazlaşygy

     Ýurdumyzda sowatly we hemmetaraplaýyn sazlaşykly ösen ýaşlaryň, sagdyn nesilimiziň kemala gelmegi üçin taýsyz tagallalar edilýär. Nesil hakyndaky alada döwlet syýasatynyň aýrylmaz bölegi bolup durýar. Döwletimizde halkyň sagdynlygyny goramak we berkitmek, ýaşlaryň sport bilen meşgullanmaklaryny gazanmak, professional türgenleri ýetişdirmek üçin zerur şertler we mümkinçilikler döredildi. Ynsan saglygynyň goragy we onuň göwnejaý dynç almagy üçin döredilýän amatly şertler her bir raýatyň berk bedenli, belent ruhly, ömrüniň uzak bolmagyny hem-de bagtly durmuşda ýaşamagyny üpjün edýär. Berkarar döwletimiziň bagtyýarlyk döwründe saglyk ulgamyny ösdürmek ugrunda amala aşyrylýan maksatnamalaýyn işler, ýetilýän sepgitler we gazanylýan üstünlikler, Türkmenistan döwletimiziň döwlet jemgyýetindäki at-abraýyny ýokarlandyrýar. Häzirki wagtda berkarar watanmyzyň dürli künjeklerinde döwrebap şypahanalaryň birnäçesi guruldy we halkymyzyň hyzmatyna goýuldy. Olardan: “Mollagara”, “Ýylysuw”, “Arçman”, “Baýramaly”, “Farap”, “Daşoguz”, “Berzeňňi” şypahanalarynda dynç almaga we saglygyny berkitmäge gelenlere ýokary hilli lukmançylyk hyzmatlary edilýär. Garaşsyz, Baky Bitarap Watanymyzda durmuşa geçirilýän bu işleri Berkarar döwletimiziň bagtyýarlyk döwrüniň türkmen halky üçin durmuş eşretleriň altyn sakasyny açýan zamana öwrülendigini aýdyň şaýatlyk edýär, parahat we gülläp ösýän watanmyza bolan buýsanjymyzy belende göterýär.