Ahal welaýaty
logo

Soňky täzelikler:
✦ “Azerbaýjan – Türkmenistan – Özbegistan” formatynda üçtaraplaýyn duşuşyk geçirildi ✦ ✦ “Kids EXPO: ähli zat çagalar üçin” atly halkara sergi-ýarmarkasy öz işine başlady ✦ ✦ Ýaşlar Forumy – geljege barýan ýol! ✦ ✦ 12-nji awgust - Hazar deňziniň güni! ✦ ✦ Hereketleriň maksatnamalaryny milli syýasatlara ornaşdyrmagyň strategiýalary işlenilýär ✦ ✦ Durnukly ösüş maksatlarynyň 16-njy maksadyny durmuşa geçirmäge ýardam bermek boýunça ugurdaş çäreler geçirildi ✦ ✦ Awaza 2025: Parlament forumy ✦ ✦ Awaza 2025: Hususy pudagyň forumy ✦ ✦ LLDC ýurtlar boýunça BMG-niň 3-nji maslahaty dünýä metbugatynda ✦ ✦ Awazada medeniýet we sungat ussatlarynyň dabaraly konserti geçirildi ✦
Baş sahypa / Ykdysadyýet /Päk zähmetim-hormatym
  08.04.2020
615
Päk zähmetim-hormatym

       ,,Türkmenistan – Bitaraplygyň mekany’’ýylynyň häzirki dowam edýän günlerinde ýurdymyzyň altyn gaznasy hasaplanýan türkmen telekeçileriniň gazanýan üstünlikleri hemmeleri guwandyrýar. Ýurdymyzda kiçi we orta telekeçiligiň goldanmagy netijesinde hususy önümçilik bilen meşgul bolmak isleýänlere giň ýol açylýar. Ile-güne haýyrly iş edýän adam ýa-da köpüň göwnüne ýaraýan önümleri öndürýän kärhananyň at-abraýy çalt uzaklara ýaýraýar. Ynha şeýle işjanly telekeçileriň biri hem Türkmenistanyň Senagatçylar we Telekeçiler birleşmesiniň agzasy, edermen telekeçi ŞükürowÝurtgeldi. Öz işine ussat telekeçiniň önümçilikde, un we un önümlerini taýýarlamakda baý tejribesi bar. Şanly Garaşsyzlygymyzyň 28-ýyllyk baýramynyň bellenýän günlerinde Ahal welaýatynyň Änew şäheriniň çäginde 3 gektar meýdan ýerinden kuwwatlylygy bir gije-gündizde 300 tonna un öndürmeklige niýetlenen ,,Un we çörek’’önümlerini öndürýän kärhanany dabaraly ýagdaýda işe girizdi. Kärhanada Türkiýa döwletinden alynan ýokary hilli enjamlar oturdylan we ýurdymyzda hereket edýän öndürijilerden 24 sagatda 300 tonna hil taýdan tapawutly we elýeter bahaly önüm öndürmek bilen tapawutlanýar.

      “Kärhananyň ýurdymyzyň bazarlarynda un bolçulygyny döretmekde, döwletiň azyk garaşsyzlygyny gazanmakda, daşary ýurt döwletlerinden getirilýän bugdaýyň we unuň möçberiniň azaldylmagyna, unuň bahasynyň halkymyz üçin elýeter bahalardan satylmagyna özüniň uly täsirini ýetirýär diýip” öz işine ussat telekeçi ŞükürowÝurtgeldi uly buýsanç bilen belläp geçýär.

         Dogrudanam gursagy hyjuwdan doly, Watana bolan söýgüden doly ussat telekeçiniň öňde goýan maksatlary bagta rowana!