logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Oba hojalygy /Pagta möwsümi guramaçylykly dowam edýär
  16.10.2025
555
Pagta möwsümi guramaçylykly dowam edýär

Halkara parahatçylyk we ynanyşmak ýylynda Balkan welaýatynyň oba hojalyk işgärleri 13 müň gektara ekilen pagta meýdanyndan bol we ýokary hilli hasyl almak üçin tutanýerli zähmet çekýärler. Olar hormatly Prezidentimiziň oba hojalyk ulgamyny ösdürmek boýunça berýän tabşyryklaryny ýerine ýetirmegi baş maksat edinip, pagta ýygymynyň depginini günsaýyn ýokarlandyrýarlar.

 

Daýhanlar Bitaraplygymyzyň 30 ýyllygyna hem-de Halkara parahatçylyk we ynanyşmak ýylyna bagyşlanyp geçirilýän bu möwsümiň ilkinji günlerinden hasyly talabalaýyk ýygnap almaga girişdiler. Ir ertirden giç agşama çenli dowam edýän zähmet möwsüminde pagta meýdanlarynda guramaçylykly işler alnyp barylýar.

 

Pagta ýygymynyň üstünlikli dowam etmegine Türkmenistanyň Kärdeşler arkalaşyklarynyň welaýat we etrap birleşmeleri, medeniýet we sungat işgärleri hem işjeň gatnaşýarlar. Olar meýdan düşelgelerinde pagtaçylaryň arasynda çykyş edip, olaryň zähmetine ruh berýärler. Çykyşlarda hormatly Prezidentimiziň daýhanlara berýän goldawlarynyň netijesinde oba hojalyk pudagynda uly ösüşleriň gazanylandygy nygtalýar.

 

Möwsüme ruhubelentlik goşmak maksady bilen, aýdym-sazly çykyşlar, tanslar we folklor toparlarynyň çykyşlary guralýar. Şeýle-de Kärdeşler arkalaşyklary tarapyndan kärendeçiler, kombaýnçylar we sürüjiler arasynda bäsleşikler geçirilip, ýeňijiler Hormat hatlary we ýadygärlik sowgatlary bilen sylaglanýar. Wagyz-nesihat we höweslendiriji çäreler pagtaçylary täze zähmet ýeňişlerine ruhlandyrýar.

 

Altynjemal KAKABAÝEWA,

S.A. Nyýazow adyndaky
Türkmen oba hojalyk uniwersitetiniň talyby.