Tejen şäheriniň 1500 orunlyk sport desgasynda kiçi futbol ýaryşy geçirildi. “Türkmenistan — Bitaraplygyň mekany” ýylyna bagyşlanan ýaryşa ýaşlardan düzülen toparlaryň 12-si gatnaşdy.

         Türkmenistanyň Kärdeşler arkalaşyklarynyň şäher birleşmesi tarapyndan guralan ýaryşyň esasy maksady ýurdumyzyň hemişelik Bitaraplygynyň 25 ýyllygynyň giňden belleniljek şanly ýylymyzy dabaralandyrmakdan, ýaşlaryň sport ussatlygyny ýokarlandyrmakdan, güýçli toparlary ýüze çykarmakdan we höweslendirmekden ybarat boldy. Duşuşyklar çekeleşikliligi bilen tapawutlandy.

        Ýaryş uly gyzyklanma döretdi. Onuň netijesinde “Ýaşlyk” topary birinji, “Ýetginjek” topary ikinji, “Üçgun” topary üçünji orunlara mynasyp boldy. Ýaryşda baýrakly orunlary eýelän toparlara  ýörite taýýarlanan sowgatlar gowşuryldy.