Katolikleriň​ ruhy lideri hem-de Watikan döwletiniň ýolbaşçysy Rim papasy Fransisk​ şu gün irden aradan çykdy.

2023-nji ýyldan bäri saglyk ýagdaýy sebäpli yzygiderli bejergi alýan Rim papasyna​ öýken pnewmoniýasy​ diagnozy​ goýlupdy. Uzak wagt bejergi alan ruhany ýolbaşçy şu gün 88 ýaşynda dünýäden gaýtdy.

Papanyň​ öňünden belläp geçmegine görä, ol özüniň ýönekeý jaýlanyş dabarasynyň guralmagyny we Watikanyň​ daşynda jaýlanmagyny wesiýet​ edipdir.

Rim papasynyň aradan çykmagyndan soň, täze papany​ saýlamak üçin adaty düzgünlere laýyklykda ýörite tanyşlyk prosesi geçiriler. Dünýäniň dürli ýurtlaryndan wekiller Watikana​ gelip, täze ruhy lideri saýlamak üçin ses bererler.