logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ykdysadyýet /Kärendeçileriň arasynda
  14.03.2020
861
Kärendeçileriň arasynda

         Türkmenistanyň Agrar partiýasynyň  Babadaýhan etrap komitetiniň işjeň agzalary-da şu günler etrabyň ekin meýdanlarynda ýygy-ýygydan bolup, meýdan işleriniň alnyp barlyşy bilen ýakyndan tanyşýarlar. Kärendeçileriň arasynda  wagyz-nesihat işlerini geçirýärler. Bu bolsa etrabyň pagtaçydyr, gallaçy kärendeçilerini  täze üstünliklere ruhlandyrýar.

        “Türkmenistan Bitaraplygyň – mekany”  ýylynda etrabyň pagtaçydyr gallaçy kärendeçileri yhlasly zämet çekýärler. Olar şu günler ak ekinlere iýdeg etmekde, ýerleri ýaz ekişine taýýarlamakda özara ýaryşa giň gerim berýärler.

      Türkmenistanyň Agrar partiýasynyň etrap komitetiniň guramagynda etrabyň Ak altyn daýhan birleşiginde  geçirilen wagyz-nesihat duşuşygy täsirli boldy. Oňa daýhan birleşiginiň agzybir işgärleri hem-de partiýanyň işjeň agzalary gatnaşdy.

       Etrap häkimliginiň oba hojalyk bölüminiň müdüri M.Ballarowdan,  TAP-nyň etrap komitetiniň başlygy R.Arrykowdan,  Ak altyn daýhan birleşiginiň biolabarotoriýasynyň müdüri B.Myradowdan, daýhan birleşiginiň başlygynyň däneçilik boýunça orunbasary W.Öwezgeldiýewden ybarat topar meýdan işleri bilen tanyşyp, kärendeçiler bilen  bol hasyl ösdürip ýetişdirmegiň ýollary barada özara pikir alyşdylar.

     Wagyz-nesihat toparynyň agzalary daýhan birleşiginiň Polat Atabaýew tarapyndan ýolbaşçylyk edilýän  22-nji pagtaçylyk toparynda, Täçmuhammet Hojageldiýew tarapyndan ýolbaşçylyk edilýän  26-njy  däneçilik toparynda işleriň talabalaýyk guralýandygyna göz ýetirdiler.

         Duşuşyk daýhanlar üçin özboluşly tejribe mekdebine öwrüldi hem-de olarda ýakymly täsirleri galdyrdy.