logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ylym we Bilim /Iňlis dili — bilim ösüşiniň açary
  14.05.2026
319
Iňlis dili — bilim ösüşiniň açary

Berkarar döwletiň täze eýýamynyň Galkynyşy döwründe ýurdumyzda ýaş nesliň döwrebap bilim almagyna, daşary ýurt dillerini kämil öwrenmegine aýratyn ähmiýet berilýär. Şol dilleriň arasynda iňlis dili möhüm orun eýeleýär.

 

Häzirki wagtda iňlis dili dünýäniň köp döwletlerinde halkara gatnaşyklaryň, ylmy gözlegleriň, maglumat tehnologiýalarynyň we işewürlik hyzmatdaşlygynyň esasy dili hökmünde giňden ulanylýar.

 

Iňlis dilini bilmek adamlara dünýäniň dürli ýurtlarynyň halklary bilen erkin aragatnaşyk saklamaga, bilim we tejribe alyşmaga, täze maglumatlary özleşdirmäge mümkinçilik berýär. Internet ulgamyndaky ylmy maglumatlaryň, okuw kitaplarynyň we elektron çeşmeleriň uly bölegi iňlis dilinde ýerleşdirilendir. Şonuň üçin bu dili öwrenmek ýaşlaryň dünýägaraýşyny giňeldýär we olaryň bilim derejesini ýokarlandyrýar.

 

Türkmenistanda iňlis dilini öwretmek boýunça alnyp barylýan işler netijesinde ýaşlar halkara ders bäsleşiklerinde, olimpiadalarda we forumlarda üstünlikli çykyş edýärler. Bu bolsa olaryň döwrebap bilim alyp, dünýä derejesinde bäsleşige ukyply hünärmenler bolup ýetişýändikleriniň aýdyň subutnamasydyr.

 

Aýgül ATAÝEWA,

Berdimuhamet Annaýew adyndaky Arkadag şäher
mugallymçylyk orta hünär okuw mekdebiniň
iňlis dili mugallymy.