logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Gyzykly /Iň kiçi goşatoýnakly jandar
  02.06.2022
1461
Iň kiçi goşatoýnakly jandar

Ýer ýüzündäki goşatoýnakly süýdemdiriji jandarlaryň arasynda iň kiçi jandar hökmünde hasaba alnan bu kinniwanja sugunşekilli jandar örän täsindir. Ýaňy-ýakynda Ispaniýada dünýä inen bu kiçijik jandaryň agramy bary-ýogy 113 gram töweregidir. Iň ulusynyňky 1,5-2 kg deň. Bedeniniň beýikligi 25 sm, uzynlygy guýrugy bilen bilelikde 45 sm deňdir. Täsin ýeri onuň ene-atasy hem şeýle ululykda. Olar esasan hem ýekelikde ýaşamak ýörelgesini alyp barmak bilen, ösümlikleriň wegetatiw böleklerini, baldagyny, ýapragyny we miwelerini iýýärler. Gündizine o diýen işjeň bolman, gijesine iýmit gözlemek üçin çykýarlar. Esasan hem Merkezi Afrikanyň, Günorta-Gündogar Aziýanyň tropiki tokaýlarda duşýar. Göwresiniň kiçijik bolandygy sebäpli agaçlaryň kökleriniň we gyrymsy agaçlaryň arasynda ýaşaýarlar. Ýene-de bir bellemeli zat, olar suwda oňat ýüzüjilerdir. Mundan ozal Sumatra we Kalimantan adalarynda ululygy 70-75 sm, agramy 3-5 kg bolan kiçijik sugunşekilli jandarlara duş gelnendigi hakda maglumatlar bar. Olar san taýdan örän az bolup, ýitmek howpy astyndadyr. Alymlaryň paleontologiki çaklamalaryna görä, gadym wagtda oligosen eýýamynda (34 mln ýyl ozal) şuňa meňzeş jandarlaryň ýaşandygy hakynda ylmy çaklanmalar bar.

Gunça ÖMÜRSÖÝÜNOWA,
Türkmen oba hojalyk institutynyň talyby.