Paýtagtymyzda geçirilen 15-nji «Türkmentel—2022» sergisiniň we ylmy maslahatynyň çäklerinde «Tehnomerkezi» hojalyk jemgyýeti hem-de Türkmentehnogurluşyk» ÝGPJ tarapyndan bilelikde taýýarlanan ilkinji türkmen antiwirusy bolan «Milli One Endpoint Security» köpçülige tanyşdyryldy.​

Ilkinji türkmen antiwirusy «Windows» we «Mac» porogramma üpjünçiligini goldaýan ähli gurluşlarda işleýär. Antiwirusda poçta, web howplaryna we tor hüjümlerine garşy gorag modullary bar, şeýle-de ol gizlin zyýanly programma üpjünçiliginden goraýar. Şeýle hem bu täze türkmen antiwirusyny işläp düzüjileriň aýtmagyna görä, antiwirus aýratyn serwer ýa-da howpsuzlyk syýasaty talap etmeýär.​ Ulanyjylar internete biriken pursatlaryndan antiwirusyň goragyndan peýdalanyp başlaýarlar.