logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ylym we Bilim /Iki asyryň bilim ojagy
  09.10.2019
1154
Iki asyryň bilim ojagy

     Ahal welaýatynyň Babadaýhan etrabynyň «Täze ýol» obasynda mundan 76 ýyl ozal gurulan bir mekdep bar. Häzirki wagtda ol «Berdimuhammet Annaýewiň mekdep muzeýi» diýlip atlandyrylýar. Bu ýere gelýän myhmanlar Watançylyk urşunyň gazaply ýyllarynda gurulan mekdebiň häzire çenli bir durkuny saklap gelenligine haýran galýarlar.

     Uruşda agyr ýaralanyp oba dolanyp gelen edermen esger ilhalar ynsan Berdimuhammet Annaýew ýene-de mugallymçylyk kärini dowam etdirýär. Kynçylyklardan çekinmän, müdirlik edýän mekdebiniň täze binasynyň düýbüni tutýar. Tejeniň aýagujyndaky gum obalyryň çagalaryny ak mekdepde okatmak baradaky arzuwyny amala aşyrmak üçin yhlas baryny edýär. Täze mekdebe gerekli gurluşyk materiallaryny 80-90 kilometrlikdäki Tejeniň demir ýol stansiýasyndan düýeli, eşekli, käteler arabaly çekmeli bolýar. Bu işde oba adamlary-da Berdimuhamet mugallyma ýakyndan kömek berýär, halk bähbitli işini goldaýarlar.

      Oba adamlarynyň yhlas bilen guýan çig kerpiçleri ýörite kürelere örülip bişirilýär. Ýandagyň oduna bişirilen kerpiçler ýokary hilliligi bilen tapawutlanýar. Mekdep jaýynyň biziň günlerimize çenli durkuny ýitirmänligi-de oňa arassa, halal zähmetiň, öňdengörüjilik yhlasynyň siňdirlenligindedir.

       Bu gün halypa mugallymyň gurduran ak mekdebi şol döwürdäki iş, synp otaglary, ulanylan esbaplary,okuwçy partalary, synp tagtalary, okuw-görkezme esbaplary, döwrüň syýasy ýolbaşçylarynyň diwardaky suratlary bilen çar tarapdan yzygiderli gelýän myhmanlary gujak açyp garşylaýar. Berdimuhamet Annaýewiň mekdebi iki asyryň bilim ojagy boldy. Onuň gujagyna dolanlar halypa mugallymyň ruhuna baş egip, edep-terbiýe bermegiň, çagalary sowat-bilimli etmegiň milli ýörelgesini öwrenip gidýärler.

      Her gezek Berdimuhamet Annaýewiň mekdep-muzeýine gelenimde, ajaýyp döwrümizde Hormatly Prezidentimiziň ýurdumyzda ylym-bilimi ösdürmekde alyp barýan asylly işlerine buýsanýaryn. Şonda «Ata kesbi ogla halal diýileni-dä» diýenimi duýman galýaryn.