Hytaýda möhüm emeli aň (AI) çäresi bolan 7-nji Bütindünýä emeli aň kongresi 18-21-nji maý aralygynda Tianjin häkimliginde geçiriler. 

Metbugat ýygnagynda berlen maglumata görä, şu ýyl gurultaýyň mowzugy «Emeli aň: hemmetaraplaýyn ösüş ugry, durnukly ösüşiň hereketlendiriji güýji» bolar. Bu çäre akylly tehnologiýalar bilen ykdysady we jemgyýetçilik ösüşini güýçlendirmek bilen baglanyşykly bolsa-da, täzeçillik, hyzmatdaşlyk, ýeňiş gazanmak we akylly tehnologiýa pudagynda emeli aň tehnologiýalaryny paýlaşmak üçin global platforma bolar.

Tianjin şäheriniň häkiminiň orunbasary Zhu Peng, emeli aňyň ösüşiniň täze tendensiýalaryny, täze tehnologiýalary we işewürligiň täze görnüşlerini açyp görkezýän çärä dünýäniň çar künjeginden syýasatçylaryň, telekeçileriň, hünärmenleriň we alymlaryň gatnaşjakdygyny mälim etdi.

Çäräniň dowamynda akylly awtoulaglar, öndürijilikli emeli aň, beýnini kompýutere birikdirmek şeýle hem ykdysadyýet, jemgyýet we medeniýet pudaklarynda emeli aň bilen baglanyşykly meýilnamalaryň ara alnyp maslahatlaşylar.

4 gün dowam etjek bu çäräniň dowamynda 120 müň inedördül metr meýdany öz içine alýan akylly tehnologiýa sergi toplumy dörediler. 

Baýrammyrat GÖLLIÝEW,

Döwletmämmet Azady adyndaky 
Türkmen milli dünýä dilleri 
institutynyň talyby.