Tejen etrabynyň oba zähmetkeşleri Garaşsyzlygymyzyň şanly 30 ýyllygynyň uludan bellenilýän ýylynda 34 müň gektar meýdanda gowaça ekişini geçirip, bu gymmatly ekinden 65 müň 700 tonna hasyl almagy maksat edinýärler. Bu ugurda Tejen etrabynyň çäginde irki ekilen gowaçalar gülläp başladylar. Daýhan däbine görä, ilkinji gülleri ýüzüne sylyp, biri-birini gutlan pagtaçy kärendeçiler ýaş gowaçalara edilýän idegi güýçlendirip başladylar.

       Şeýle hem etrabyň çäginde ir baharda ekilen gowaçanyň “Jeýhun”, “Ýolöten – 14” we “Ýolöten – 39” ýaly ir ýetişýän sortlary indi birnäçe ýyl bäri Tejen topragynda özüniň gowy netijesini berip gelýär. Bu gowaça sortlaryna ideg etmegiň agrotehniki kadalaryny kemsiz ele alan daýhanlar, şu günlerde gowaçanyň hataralaryny bejermek, dökünlemek we suwarmak işlerini toplumlaýyn görnüşde alyp barýarlar. Sebäbi bu agrotehniki çäreler biri-biri bilen berk baglanyşyklydyr. Şonuň üçin häzirki wagtda Tejen etrap häkimligi tarapyndan ýörite döredilen topar tarapyndan geçirilýän işleriň hiline we wagtyna berk gözegçilik edýärler.

    Güllere beslenýän gowaçaly atyzlar daýhan zähmetiniň netijesi. Sähel wagtdan ol güller köreklere, soňra gozalara we ak hanalara öwrüler. Bu bolsa “Ak altyn” kemal geler. Şu ýyl hem Tejenli pagtaçylar gowaçanyň bol hasylyny ösdürip ýetişdirmekligi maksat edinýärler.