logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ykdysadyýet /Gowaça ekişine girişildi
  26.03.2020
974
Gowaça ekişine girişildi

     Ahal welaýatynyň daýhanlary gowaça ekişine guramaçylykly girişildiler. Möhüm we jogapkärli  oba hojalyk möwsümine girişmmek mynasybetli  Ak bugdaý etrabynyň M.Sopyýew adyndaky Oba hojalyk paýdarlar jemgyýetiniň çägindäki ekin meýdanynyň golaýyndaky ýörite taýýarlanan meýdançada dabara geçirildi. Welaýat, etrap häkimleriniň, oba hojalyk işgärleridir hünärmenleriniň, möhüm oba hojalyk möwsümine dahylly edara-kärhanalaryň, guramalaryň ýolbaşçylarynyň hem-de ýaşuly nesliň wekilleriniň gatnaşmagynda geçirilen dabarada dürli mazmunly sergilere, aýdym-sazly çykyşlara orun berildi.

     Soňra il sylagly ýaşulular ýagşy arzuwlar bilen topraga gowaça tohumyny sepdiler.  Ýaşuly nesliň göreldesine oba hojalyk işgärleriniň we beýleki myhmanlaryň eýermegi, şeýle-de  ýokary öndürijilikli kuwwatly ekiş geçiriji oba hojalyk tehnikalarynyň ekin meýdanynyň gyrasyndan girmegi welaýatda gowaça ekişine köpçülikleýin girişilendigini alamatlandy. Ýeri gelende, “Türkmenistan — Bitaraplygyň mekany” ýylynda ahally daýhanlaryň 145 müň gektar meýdanda gowaça ekişini geçirmegi meýilleşdirýändigini, möwsümde ekiji tehnikalaryň 500-den gowragynyň  ulanyljakdygy, şolaryň uly toparynyň Gahryman Arkadagymyzyň welaýatyň oba zähmetkeşlerine täzelikde sowgat eden häzirki zaman kämil tehnikalardygyny bellemek gerek.