logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Ylym we Bilim /Giriş synaglary
  18.08.2020
2494
Giriş synaglary

    Şu günler ýurdumyzyň ýokary we orta hünär okuw mekdeplerine giriş synaglary welaýatymyzda guramaçylykly dowam edýär. Öňünden görlen taýýarlyk işleri giriş synaglarynyň ýokary derejesini üpjün edýär hem-de ýaşlara höwes edýän ugurlary boýunça zehin-başarnygyny görkezmäge mümkinçilik döredýär.

   Ýokary okuw mekdepleriň aglabasy boýunça giriş synaglary Ak bugdaý etrabyndaky 1-nji, 16-njy, 27-nji hem-de 28-nji orta mekdeplerde geçirilýär. Ýakynda agzalan orta mekdeplerde  Magtymguly adyndaky Türkmen döwlet uniwersiteti, D.Azady adyndaky Türkmen milli dünýä dilleri instituty, M.Garryýew adyndaky Türkmenistanyň Döwlet lukmançylyk uniwersiteti boýunça giriş synaglary üstünlikli tamamlandy. Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebine giriş synaglary bolsa, Änew şäherindäki N.Saryýew adyndaky Çagalar sungat mekdebinde geçirildi.

  Gökdepe etrabynyň Babarap obasyndaky ýaş olimpiýaçylary taýýarlaýyş sport mekdep-internatynda bolsa, Türkmen döwlet bedenterbiýe we sport instituty boýunça giriş synaglary geçirildi. Bu synaglarda köpçülikleýin bedenterbiýä we sport-sagaldyş hereketlerine uly höwesi bolan, sagdyn durmuş ýörelgelerine berk eýerýän ruhubelent ýaşlaryň ýüzlerçesi talyp bolmak üçin bilim, zehin we bedenterbiýe-sport babatdaky ukyp-başarnygyny görkezdi.

  Gökdepe etrabyndaky Çagalar çeperçilik mekdebinde bolsa, degişlilikde Türkmen döwlet medeniýet we sungat mekdebi, Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebi boýunça giriş synaglary boldy.  Olarda ýaşlara sungatyň degişli ugurlarynda zehinini açyp görkezmäge giň mümkinçilikdir şertler üpjün edildi.