Ak bugdaý etrabynyň sport mekdebinde futzal boýunça ýurdumyzyň birinjiliginiň  Ahal welaýat zolagynyň ýaryşlary dowam edýär. Welaýatyň Sport we ýaşlar syýasaty Baş müdirligi  tarapyndan guralýan ýaryşa etraplardan hem-de Tejen şäherinden toparlaryň jemi altysy gatnaşýar.

  “Türkmenistanda bedenterbiýäni we sporty goldamagyň hem-de ösdürmegiň 2011—2020-nji ýyllar üçin Milli maksatnamasynda” göz öňüne tutulan wezipeleri üstünlikli durmuşa geçirmek, ýaşlary köpçülikleýin sporta we bedenterbiýä çekmek, türgenleriň sport ussatlyklaryny ýokarlandyrmak, futzal sporty boýunça güýçlüleri ýüze çykarmak, höweslendirmek hem-de  ýurdumyzyň birinjiligine gatnaşjak topary saýlamak maksady bilen geçirilen ýaryşyň birinji we ikinji tapgyrlarynyň duşuşyklary örän çekeleşikli boldy.

   Sport janköýerlerinde uly gyzyklanma döreden birinji we ikinji tapgyryň duşuşyklarynyň netijesi boýunça Gökdepe etrabynyň “Gökdepe”, Ak bugdaý etrabynyň “Ak bugdaý” toparlarynyň her biri 6 utuk bilen, ýaryş tablisasynda birinji ikinji, Kaka etrabynyň “Abiwerd” topary 3 utuk bilen, üçünji orunda barýar. Ýaryş dowam edýär.