logo

Soňky täzelikler:
✦ Dil bilen dünýäni gezer ✦ ✦ Ýaşlar — Watanymyzyň geljegi ✦ ✦ Bilim bermekde okuwçynyň pikirleniş ukybyny ösdürmek möhümdir ✦ ✦ Garabogaz - Gazagystan serhetýaka awtomobil ýolunyň 44 kilometrlik bölegi açyldy ✦ ✦ Daşoguzda ýylda 700 müň tonna azotly dökün öndürjek toplum gurlar ✦ ✦ Daşoguzda pagta çigidini gaýtadan işleýän täze kärhana gurlar ✦ ✦ Aşgabat - Daşoguz awtomobil ýoly täze tapgyrda ulanylmaga beriler ✦ ✦ Daşoguz welaýatynda ulag we senagat ösüşiniň täze taslamalaryna badalga berildi ✦ ✦ Ykdysadyýetiň görnüşleriniň ösüşi ✦ ✦ Ylym-bilim ulgamynda sanly tehnologiýalar ✦
Baş sahypa / Sport /Etrabyň açyk birinjiligi
  21.01.2020
1118
Etrabyň açyk birinjiligi

     Ak bugdaý etrabynyň sport mekdebinde futzal boýunça etrabyň açyk birinjiligini almak ugrunda ýaryş geçirildi. Türkmenistanyň Kärdeşler arkalaşyklarynyň etrap birleşmesiniň  hem-de etrabyň sport we ýaşlar syýasaty bölüminiň bilelikde guramagynda geçirilen ýaryşa toparlaryň birnäçesi gatnaşdy.

     “Türkmenistan — Bitaraplygyň mekany” ýylynyň şanyna geçirilen futzal ýaryşynyň esasy maksady ýurdumyzda  bedenterbiýäni we sporty ösdürmek ugrundaky tagallalardan ugur alyp, ýaşlary köpçülikleýin sporta we bedenterbiýä çekmekden, türgenleriň sport ussatlyklaryny ýokarlandyrmakdan, futzal sporty boýunça güýçli toparlary  ýüze çykarmakdan hem-de höweslendirmekden ybarat boldy. Toparlar iki gününiň dowamynda özaralarynda gyzykly we çekeleşikli duşuşyklary geçirdiler. Şol duşuşyklar futzalçylaryň taýýarlygyny we sport ussatlygyny äşgär etdi.

      Açyk birinjiligiň esasy duşuşygy “Ak bugdaý” we “Gämi” toparlarynyň arasynda boldy. Aýgytlaýjy duşuşykda iki topar hem özaralarynda çekeleşikli oýun alyp bardy. Iki taraplaýyn hüjümlere baý bolan duşuşyk “Gämi” toparyna şowlulyk getirdi. Şeýlelikde, Ak bugdaý etrabynyň Gämi obasynyň adybir topary ýaryşyň ýeňijisi boldy. “Ak bugdaý” topary ikinji, “Serhetçi” topary baýrakly üçünji orny eýeledi.

   Ýaryşyň ýapylyş dabarasynda ýeňijiler sylaglandy. Olara Türkmenistanyň Kärdeşler arkalaşyklarynyň etrap birleşmesiniň ýörite sowgatlary gowşuryldy hem-de ýeneki ýaryşlarda üstünlik arzuw edildi.