Ahal welaýatynyň Tejen etrabynyň gallaçy kärendeçileri güýzlik bugdaý ekişini guwandyryjy görkezjiler bilen tamamladylar. Ekiş geçirilen meýdanlar bu günki-gün ýaşyl begres ýapyndy. Gallaçy kärendeçiler tarapyndan ekiş geçirilen ýerleriň ählisinde gögeriş gazanyldy. Yhlasly zähmetleriniň ýerine düşendigine gallaçy kärendeçiler diýseň guwanýarlar we buýsanýarlar. Gahryman Arkadagymyzyň daýhana berýän ýardamlaryna – tehnikadan, suwdan, dökünden berýän ýeňilliklerine tüýs ýürekden alkyş sözlerini aýtýarlar. Şonuň üçin hem olar birinji ösüş suwuny tutmak, ekinleri iýmitlendirmek işlerini ekerançylygyň talaplaryna laýyklykda göwnejaý alyp barýarlar. Bu işlerde etrabyň daýhan birleşikleriniň ählisinde ekerançylyк işleriniň talabalaýyk ýola goýulmagy bilen baglanyşykly çärelere iňňän uly ähmiýet berilýär.

         Geçen ýyly guwandyryjy görkezijiler bilen jemlän etrabyň gallaçy-kärendeçileri täze ýylyň bitginli hasyly üçin birleşen tagallalary gaýgyrmaýarlar.