Sanly dünýäniň durmuşymyza ornaşmagy bilen ýüze çykan birnäçe programmalar durmuşymyzy has-da ýeňilleşdirýär. Indi biz gündelik özümize gerekli işleri we ähli zatlary, onlaýn ýagdaýda amala aşyryp bilýäris. Bu amallary ýerine ýetirmek üçin bolsa internete şahsy hasaplardan girýäris, birnäçe ýerlere özümize degişli açar sözleri we parollary ýazýarys.

Hünärmenler dünýäde iň köp ulanylýan parollary mälim etdiler we olardan daşda durmagy maslahat berdiler. Şahsy parollaryň birnäçe çylşyrymly simwollardan düzülmegi olary döwmegiň öňüni alýar. Köp ulanylýan, aňsat we ýeňil parollar bolsa tiz döwülýär we şahsy maglumatlaryň paýlaşylmagyna we rugsatsyz ogurlanmagyna getirýär.

Derňew işleri dünýä belli «NordPass» kompaniýasy tarapyndan, 30 dürli ýurtda ýaş we jyns tapawudyna görä, şeýle-de paroly döretmek tendensiýalaryna laýyklykda geçirildi. 

Geçirilen derňew işlerinde iň köp ulanylýan parollar: password, 123456, 123456789, qwerty, 12345678, 111111, 12345, col123456, 123123, 1234567, 1234, 1234567890, 000000, 555555, 666666, 123321, 654321, 7777777, 123. 

Şol sebäpli  şahsy parollary goramak üçin gerekli we ygtybarly howpsuzlyk çärelerini görüp, çylşyrymly simwollardan düzülen parollardan peýdalanmaly! 

Ogulmaral KAKABAÝEWA,

Ýagşygeldi Kakaýew adyndaky 
Halkara nebit we gaz
uniwersitetiniň mugallymy.