logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ykdysadyýet /DÖWREBAP KÄRHANA IŞE BAŞLADY
  27.08.2019
1099
DÖWREBAP KÄRHANA IŞE BAŞLADY

     Gökdepe etrabynyň çäginde keramiki kerpiji öndürýän kärhana açylyp, ulanylmaga berildi. Türkmenistanyň Senagatçylar we telekeçiler birleşmesiniň agzasy bolan “Tirkeş” hususy kärhanasynyň kerpiç önümçiligi boýunça desgasynyň açylyş dabarasy diýseň köp adamly boldy.

   Mukaddes Garaşsyzlygymyzyň şanly 28 ýyllyk toýunyň öňüsyrasynda keramiki kerpiji öndürýän häzirki zaman kärhanasynyň açylmagy  hormatly Prezidentimiziň milli ykdysadyýetiň hususy pudagyny ösdürmäge aýratyn üns bermegi netijesinde  telekeçilik işiniň ýurdumyzyň gurluşyk senagatynyň has netijeli ugurlarynyň birine öwrülendigini alamatlandyrdy.

     Dabara üçin niýetlenen meýdançadaky esasy sahnada welaýatyň medeniýet we sungat ussatlarynyň çykyşlary giň gerimde ýaýbaňlandyryldy. Belent ruhy joşguna beslenen sungat çykyşlarynda Arkadag Prezidentimiziň taýsyz tagallary bilen ösüş-özgermelere beslenen ata Watanymyz, erkana durmuşymyz, zähmet galkynyşy ussatlarça wasp edildi. Dabara gatnaşyjylar ol ýerde milli däp-dessurlara eýerilen tomaşalary, köp öwüşginli sergileri hem höwes bilen synladylar.

     Dabaranyň hormatly myhmanlarynyň täze desganyň toý bagyny kesmegi bilen, ol ýerdäki şatlyk-şowhun has-da belende göterildi. Soňra myhmanlar täze kärhana aýlanyp, onuň giň mümkinçilikleri bilen tanyşmaga mümkinçilik aldylar.

     Bäş gektar meýdanda bina edilen täze desganyň kuwwaty ýylda 1 million keramiki kerpiji öndürmäge barabardyr. Hytaý Halk Respublikasyndan getirilen iň kämil enjamlaryň ornaşdyrylmagy kärhanada öndüriljek önümiň hiliniň ýokary bolmagyna şert döreder. Hormatly Prezidentimiziň daşary ýurtlardan getirilýän harytlaryň ornuny tutýan önümleriň öndürilýän möçberini artdyrmak,  önümçiligiň eksport ugurlylygyny üpjün etmek boýunýa öňde goýýan wezipeleriň üstünlikli çözülmegine saldamly goşant goşjak bu kärhanadaky awtomatlaşdyrylan enjamlar çig malyň ýokary derejede işlenilmegini ýardam eder. Kerpiç önümçiliginde  zerur gerek bolan  topragyň, çägäniň we suwuň gaýtadan işlenilmegi netijesinde ol ýerde ýokary hilli keramiki kerpiç öndüriler. Kärhananyň önümleri buýurmalar esasynda sarp edijilere ugradylar.