Türkmenistanyň Halk Maslahaty döredilen gününden bäri ildeşlerimiziň bagtyýar ýaşaýşyny üpjün etmekde, ýurdumyzyň ykdysady kuwwatyny artdyrmakda, dünýä bileleşiginde abraýyny ýokarlandyrmakda, şeýle hem milli terbiýeli, ösen aň-düşünjeli, sagdyn ýaşlary ýetişdirmekde uçursyz köp işleri bitirip gelýär. Halkyň bähbitlerini goraýan bu ýokary wekilçilikli edara 2023-nji ýylyň 21-nji ýanwarynda Türkmenistanyň Halk Maslahaty görnüşinde döredildi.

Türkmenistanyň Halk Maslahatynyň mejlisi her ýyl Garaşsyzlyk baýramynyň öňüsyrasynda geçirilýär. Bu döwletli geňeşde geçilen ýollara ser salynyp, öňde goýlan maksatlara ýetmek bilen bagly wezipeler kesgitlenilýär. Baş baýramymyzyň şatlyk-şowhuny mejlisde kabul edilýän çözgütleriň netijeleri bilen ulaşýar. Mejlise eziz Diýarymyzyň dürli künjeklerinden dürli kärdäki we ýaşdaky raýatlarymyz, şeýle hem ýaşlaryň gatnaşmagy türkmen halkynyň agzybirligini hem-de jebisligini, häkimiýet bilen halkyň bitewüligini mundan beýläkde pugtalandyrmaga kömek edýär.

Ýeri gelende aýtsak, 2023-nji ýylda Türkmenistanyň Halk Maslahatynyň Ýaşulular geňeşi hem döredilip, bu geňeş halka bähbitli çözgütleriň kabul edilmegine ýakyndan ýardam berýär. Bu bolsa adamlaryň bähbidine, halkyň ruhy we ykdysady taýdan galkynmagyna gönükdirilen çözgütleriň kabul edilmeginde ýaşuly nesliň ornunyň uludygyny tassyklaýar.

Ýurdumyzda okamaga, öwrenmäge, halal zähmet çekmäge, ylym bilen meşgullanmaga giň mümkinçilikleri döredip berýän Gahryman Arkadagymyza,  Arkadagly Gahryman Serdarymyza tüýs ýürekden sagbolsun aýdýarys.

Näzik MYRADOWA,

Döwletmämmet Azady adyndaky Türkmen milli dünýä dilleri institutynyň

rus diliniň nazaryýeti we amalyýeti kafedrasynyň öwreniji mugallymy.