Ynha şeýle at bilen Ak bugdaý etrap häkimliginiň kiçi mejlisler zalynda etrabyň bilim we saglyk işgärleriniň we kalby buýsançdan doly ýaşyly nesliň wekilleriniň gatnaşmaklarynda ,,Demokratik özgertmeler-ösüşleriň özeni’’diýen at bilen wagyz-nesihat çäresi geçirildi. Syýasy jemgyýetimiziň möhüm çäresi bolan Türkmenistanyň Halk Maslahatynyň ikinji mejlisinden gelip çykýan taryhy çözgütlerinden ugur alyp geçirilen bu wagyz-nesihat maslahaty aýratyn bir many-mazmuna eýe boldy. Wagyz-nesihat maslahatyny Türkmenistanyň Magtymguly adyndaky Ýaşlar guramasynyň Ak bugdaý etrap Geňeşiniň başlygy Maksat Ballykow alyp barmak bilen Türkmenistanyň Halk Maslahatynyň ikinji mejlisinden gelip çykýan taryhy çözgütleri dogrusynda giňişleýin çykyş etdi. Soňra maslahatda Ak bugdaý etrabynyň Gämi obasynyň ýaşaýjysy Mommadow Nurýagdy, şeýle-de Türkmenistanyň Demokratik partiýasynyň Ak bugdaý etrap komitetiniň partiýa guramaçysy Çemen Könäýewa çykyş etdiler. Olar öz çykyşlarynda Hormatly Prezidentimiziň parasatly ýolbaşçylygynda uly üstünliklere beslenip geçen Türkmenistanyň Halk Maslahatynyň ikinji mejlisinden gelip çykýan çözgütleri dogrusynda, şeýle-de Türkmenistanyň Konstitusiýasyna üýtgetmeleriň we goşmaçalaryň girizmek boýunça konstitusion topary döretmek we onuň düzümini tassyklamak hakyndaky permanyň kabul edilmegi barada, Türkmenistan döwletimiziň hil taýdan täze iki palataly ulgama geçmekligi barada asylly başlangyçlaryň öňe sürülmegi barada täsirli çykyşlary etdiler. Bu edilen täsirli çykyşlar bolsa maslahata gatnaşyjylarda uly täsir galdyrdy.