logo

Soňky täzelikler:
✦ Gahryman Arkadagymyz COP31-iň Liderler sammitine gatnaşdy ✦ ✦ COP31: Howanyň geljegi üçin dünýäni birleşdirýän maslahat ✦ ✦ COP31 maslahatynda suw serişdelerini rejeli peýdalanmaklyga aýratyn üns berildi ✦ ✦ COP31 maslahatynyň çäklerinde Awaza maksatnamasyny durmuşa geçirmek barada tematiki sessiýa geçirildi ✦ ✦ Merkezi Aziýa üçin howa tehnologiýalarynyň sebit merkezi Aşgabatda ýerleşer ✦ ✦ Antalýada dünýäniň ünsüni özüne çeken COP31 maslahaty öz işine başlady ✦ ✦ Merkezi Aziýa üçin howa tehnologiýalarynyň sebit merkeziniň esasy maksady ylmy-tehniki hyzmatdaşlygy ösdürmek ✦ ✦ Hormatly Prezidentimiz güýzki ählihalk bag ekmek möwsümine badalga berdi ✦ ✦ Söz baýlygy aýdyň pikiriň açary ✦ ✦ “Aşgabat – Daşoguz” awtomobil ýoluny gurmak barada şertnama baglaşmaga ygtyýar berildi ✦
Baş sahypa / Ylym we Bilim /ÇAGALARA TOÝ SOWGATLARY
  04.09.2019
1907
ÇAGALARA TOÝ SOWGATLARY

   Bilimler we talyp ýaşlar güni mynasybetli Ahal welaýatynyň çäginde täze, döwrebap orta mekdepleriň birbada ikisi açylyp ulanylmaga berildi. Altyn güýzüň ajaýyp çagynda Gökdepe etrabynyň Gökdepe şäherinde 600 orunlyk orta mekdebiň, Bäherden etrabynyň Arçman obasynda 620 orunlyk orta mekdebiň görkana binalary hormatly Prezidentimiziň özboluşly toý sowgady hökmünde garşylandy.

   Täze orta mekdepleriniň açylyş dabaralaryna gatnaşan bagtyýar raýatlar bu günki wakanyň taryhy ähmiýeti hakda aýratyn söz açyp, ýurdumyzda bilime giň ýol açandygy, ýaşlaryň ählitaraplaýyn sazlaşykly ösmegi, hünär öwrenmegi, berk bedenli, sagdyn ruhly adamlar bolup ýetişmegi ugrunda hemme şertlerdir mümkinçilikleri döredendigi üçin hormatly Prezidentimiziň adyna hoşallyk sözlerini uly buýsanç bilen beýan etdiler. Toý gününde açylyp, dabaraly ýagdaýda ulanylmaga berlen döwrebap orta mekdepleriniň her biri özündäki giň mümkinçilikler, şertler, döwrebap enjamlaşdyrylyşy we ýokary hil derejesinde gurlandygy bilen tapawutlanýar.

     «Türkmenistanyň Prezidentiniň obalaryň, şäherçeleriň, etrapdaky şäherleriň we etrap merkezleriniň ilatynyň ýaşaýyş-durmuş şertlerini düýpli özgertmek boýunça 2020-nji ýyla çenli döwür üçin rejelenen görnüşdäki Milli maksatnamasyny» durmuşa geçirmegiň çäklerinde gurlan döwrebap mekdepleriň her biri iki gatdan ybaratdyr. Olaryň gurluşyklaryny Türkmenistanyň Senagatçylar we telekeçiler birleşmesiniň agzalary bolan hususy kärhanalar alyp bardylar.

   Täze mekdepleriň okuw otaglary häzirki zaman kompýuterler, interaktiw-multimedia enjamlary bilen ýokary derejede enjamlaşdyrylandyr. Ýaşlaryň el hünärini alyp almagy ugrunda ajaýyp şertler göz öňüne tutulypdyr. Sport zallardyr meýdançalary ýaşlara giň amatlyklary açýar.